Written to be understood.

Bon Nochi Aruba

E prome storia den e series “Un dushi soño”.

Un storia pa drumi dushi, na Papiamento, unda amor, sonrisa y naturaleza ta uni bou di luna di Aruba.

Un momento chikito prome cu drumi por bira e momento mas dushi di e dia. Bon Nochi Aruba ta invita mayornan y muchanan pa baha e velocidad, sinta serca di otro, y comparti un storia yen di calor y ternura.

Cu simbolonan di nos isla — lama trankil, tortuga sabi, lagadishi curioso, cadushi fuerte y cas tradicional — e buki aki ta crea un ritual di drumi yen di amor.

Un storia pa lesa, pa comparti, y pa keda den nos curason. Pasobra amor no ta djis pa bis'e — e ta pa bib'e: lesa hunto, anochi tras di anochi. 🌙

Perfecto pa muchanan te cu 5 aña.

Ken ta mi Tata

Ken ta mi Tata: E abraso perdi ta un relato íntimo tocante famia, pérdida, identidad y e preguntanan cu ta keda ora un tata no t'ey mas.

Den e buki aki, Jayburtt J. Dijkhoff ta busca no solamente e homber cu tabata su tata, pero tambe e historia, e recuerdonan y e silencio cu a forma nan relacion. Entre dolor, ternura y descubrimento, e lector ta wordo invita pa pensa riba su propio raiznan, riba loke nos hereda, y riba e cosnan cu nos ta sigui cargando ainda despues cu un ser stima a bay.

Ken ta mi Tata ta finalmente un historia tocante e deseo universal pa conoce di unda nos ta bin — y pa compronde, kisas demasiado laat, e hende cu a yuda forma ken nos a bira.